НИЙСЛЭЛ ДЭХ ТӨРИЙН АУДИТЫН ГАЗАР: МЭДЭЭЛЭЛ

2020-02-06 Нийслэл

Төрийн аудитын тухай хуулийн 16 дугаар зүйлийн 16.2-т заасны дагуу төрийн аудитын байгууллагууд нь дараа онд хийх аудитын сэдвүүдээ УИХ-ын Төсвийн байнгын хороогоор батлуулж, хэрэгжүүлдэг. МУЕА-ын А/100 тушаалаар батлагдсан НТАГ-аас 2020 онд гүйцэтгэх аудитын төлөвлөгөөний дагуу санхүүгийн тайлангийн болон гүйцэтгэл, нийцлийн аудитын үйл ажиллагаа хэрэгжиж эхлээд байна. Иймд 2020 оны эхний хагас жилд Нийслэл, дүүргийн төсвийн байгууллага болон орон нутгийн өмчит аж ахуйн нэгжид хийх аудитын сэдвүүдийг танилцуулж байна.

НИЙСЛЭЛ ДЭХ ТӨРИЙН АУДИТЫН ГАЗАР: ТӨРИЙН АУДИТЫН ИТГЭЛ ҮЗҮҮЛСЭН ИТГЭМЖЛЭЛ ГАРДУУЛЛАА

2020-01-29 Нийслэл

Нийслэл дэх Төрийн аудитын газрын дарга, тэргүүлэх аудиторын үүргийг түр орлон гүйцэтгэгч Ц.Бат-Өлзий МУЕА-ын 2015 оны 240 дүгээр тушаалаар баталсан “Санхүүгийн тайлангийн аудитад итгэл үзүүлэхэд баримтлах журам”-ын шаардлагыг хангасан 3 байгууллагад Төрийн аудитын тухай хуулийн 18 дугаар зүйлийн 18.4-т заасны дагуу итгэл үзүүлсэн ИТГЭМЖЛЭЛ-ийг нь гардууллаа.

НИЙСЛЭЛ ДЭХ ТӨРИЙН АУДИТЫН ГАЗАР: АУДИТЫН КОМПАНИУДЫН ЗАХИРЛУУДТАЙ УУЛЗАЛТ ЗОХИОН БАЙГУУЛЛАА.

2020-01-22 Нийслэл

НТАГ-тай хамтран ажиллаж байгаа хараат бус аудитын 29 хуулийн этгээдийн захирлуудтай хамтын ажиллагаа, 2019 онд хийсэн санхүүгийн тайлангийн аудит болон чанарын хяналтын үр дүн, цаашид анхаарах асуудлын талаар уулзалт, ярилцлагыг зохион байгууллаа. Уулзалтад НТАГ-ын дарга, тэргүүлэх аудиторын үүргийг түр орлон гүйцэтгэгч Ц.Бат-Өлзий, аудитын менежер А.Цогбаяр, Д.Отгонбаяр, ахлах аудиторууд болон аудитын 28 компанийн захирлууд оролцлоо.

Нийслэл дэх Төрийн аудитын газар ажлаа дүгнэж байна.

2019-12-24 Нийслэл

НТАГ энэ оны үйл ажиллагааныхаа дүнг гаргаж, тайлангийн хурлаараа хэлэлцлээ. Хуралд НТАГ-ын дарга бөгөөд тэргүүлэх аудитор С.Энхбаатар ажлын тайланг танилцуулав.

“Эрүүл агаар - бүтээн байгуулалт” өдөрлөг зохион байгууллаа.

2019-11-06 Нийслэл

Үндэсний аудитын газар болон НТАГ-ын ажилтнууд амралтын өдрийг эрүүл агаарт өнгөрөөх, биеийн тамирын тэмцээн, урлагийн тоглолт зохион байгуулах, нийслэлийн Чингэлтэй дүүргийн 2019 оны бүтээн байгуулалтуудтай танилцах өдөрлөгийг зохион байгууллаа.

Улаанбаатар хот үүсэн байгуулагдсаны 380 жилийн ойгоор НТАГ-ын зарим албан хаагчид шагнууллаа

2019-10-29 Нийслэл

Монгол улсын нийслэл Улаанбаатар хот үүсэн байгуулагдсаны 380 жилийн ойг тохиолдуулан эрхэлсэн ажилдаа амжилт гаргаж, ур чадвараараа дайчлан ажиллаж, нийслэлийн хөгжилд өөрийн хувь нэмрээ оруулж байгаа НТАГ-ын санхүүгийн аудитын хэлтсийн аудитын менежер А.Цогбаярыг “Нийслэлийн хүндэт тэмдэг”-ээр, гүйцэтгэлийн аудитын хэлтсийн ахлах аудитор Л.Саранбаатарыг “Нийслэлийн тэргүүний ажилтан” цол, тэмдгээр тус тус шагналаа. Шагналыг НТАГ-ын дарга бөгөөд тэргүүлэх аудитор С.Энхбаатар гардууллаа.

НТАГ-ЫН АУДИТОР БНХАУ-ЫН НАНЖИН ХОТЫН АУДИТЫН ИХ СУРГУУЛЬД СУРАЛЦАХААР ЯВНА

2019-10-09 Нийслэл

Монгол улсын Үндэсний аудитын газар, БНХАУ-ын Үндэсний аудитын газрын хооронд тогтоосон хамтын ажиллагааны хүрээнд өнгөрсөн жилүүдэд Нанжин хотын Аудитын Их сургуульд ҮАГ болон орон нутгийн ТАБ-ын 6 аудитор суралцсан. Энэ жил НТАГ-ын санхүүгийн аудитын хэлтсийн аудитор Ж.Мөнхтуяа тус их сургуульд 2 жилийн хугацаатай суралцах шалгуурыг хангасан 7 дахь аудитор болжээ.